Файдачивал гьарам я...

Файдачивал гьарам я...

Са мусурмандиз масадаз файдадик (риба — проценты) пул вугудай ихтияр авачирди заз чизва. Имансузрив вугудай чаз ихтияр авани?

Файдачивал (риба) Исламда лап зурба гунагьрикай сад я. Файдачивилин савда я мусурмандихъ галаз, я имансуздахъ галаз ийидай ихтияр авач. Квез чир хьухь гьуьрметлу стхаярни вахар, Аллагь-Таалади анжах кьве жуьредин инсанриз дяве малумарнава. Сад лагьайди, Аллагьдин (=) кIани лукIариз азият гузвайбур. Пак гьадисда Аллагьди (=) лагьана: «Зи валидиз (кIани лукIраз) зарар гузвай касдиз За дяве малумарзава» (Аль-Бухари). Кьвед лагьайдини, файдачивилел (риба) машгъулбур. Къуръанда лагьанва (мана): «Эй иман гъанвайбур, риба ийимир (гьич са тIимилни), эгер куьн муъминар ятIа. Куьне акI тавуртIа, квез Аллагьди (=) ва Адан Расулди () дяве малумарда» («Аль-Бакъара» 278-279-аятар).

Файдачивилелди къазанмишай пулни хизандик кутуртIа, хизан чIур жеда, жува тIуьртIа, жув Аллагьдивай (=) яргъа жеда. Гьарам незвайбурувай Аллагьдиз (=) ибадат ийиз лап четин жезва. Бязибуруз капI-тIеат ийиз кIанзава, амма жезвач, и кардиз ада тIуьр гьарамди манийвал ийизва.

11:36
448