​Кхьихь газет, азиз дустар!..

​Кхьихь газет, азиз дустар!..

«Ас-Салам» чи пак тир газет,

Вилин ишигъ, нур я гьелбет,

Чирвал гузвай чаз гьакъикъат,

Гьар муъминдин дамах дустар.


Газет я чи руьгьдин гуьзгьу,

Барабар яз миллет вири,

Дуствал, садвал рагъ я экуь,

Женнетдин рехъ уртах дустар.


Устадри чаз гузва буйругъ,

Халикьдин рехъ, диндин къуллугъ,

Ният михьи квачир шулугъ,

Гьахъ, патал хьухь уях дустар.


Пайгъамбардин () умметрикай,

Кхьизвай чаз гьуьрметрикай,

Хуш къилихрин суьгьбетрикай,

Шад хьурай куьн уьзягъ дустар.


«Ас-Салам» чи нур я газет,

Чешмени я чи марифат,

Кьисмет жедай бахтни, Женнет,

Аллагьдин кIвал ужагъ дустар.


КIелиз-кхьиз чириз калам,

Женнет-жегьнем, гьалал-гьарам,

Акьул я чи руьгьдин дарман,

ТIарикъатдин булах дустар.


Имансузриз желе я ам,

Дуствал мягькем къеле я ам,

Асул михьи бине я ам,

Кхьихь газет, азиз дустар!..


Тешкилатчи халкьдиз масан,

Чи редактор Гьажи Гьасан,

Тарифуниз лайих я ам,

Чи газетдин даях дустар!...


Кхьихь газет шариатдин,

Рехъ ачух хьуй квез Женнетдин,

Кьисмет хьуй квез гьакъикъатдин,

Гьарасатдин пайдах дустар!.. Амин!


Вахъ мадни чIехи агалкьунар хьун чи мурад я, гьуьрметлу Гьажи Гьасан муаллим!..

Саламралди, Дагъустандин культурадин заслуженный работник, лезги писателрин секцидин член Гьажи Гьемдуллагь Бабаев.

Ахцегьар, Г.Агьмедован куьче.

17:39
1301