Диндал ша вун!

Диндал ша вун!

Куьруь уьмуьр жедалди кьатI,
Пайгъамбардал гъваш салават,
Динэгьли хьухь жемир фасад,
РикIяй-мецяй Аллагь талгьуз,
ГьикI фида вун мичIи суруз.


Калам-Къуръан я аманат,
Ам ша чна хуьн саламат,
Иблис ятIани вал гьавалат,
Ягъалмиш яз, тахьуй яб гуз,
Уьтквем хьухь! — туш вун ялгъуз.


Сад Аллагьди ганва вири,
Диндал текъвез вуч я кими,
Чи уьмуьр я гзаф куьруь,
Девлетдихъ гъил мийир яргъи,
Диндал ша вун! — гъил ягъ хуруз,


Фана дуьнья чаз са вад къан чара я.
Эй инсанар фикирар чи пара я,
Геж тавуна ферзер вири ада ая,
Ахиратда жервал хийир,
Сад Аллагьдиз ая зикир.


Авуна на и гафар гьис,
РикIяй тадиз акъуд иблис,
Ша имандал! — жедач ваз пис,
Вахтар физва адаз яб гуз,
Диндал ша вун! — гъил ягъ хуруз

lezgidin.ru

16:05
842